E boton nan aki ta masha importante:
Ora bo mira skirbi ALT+= esaki ta nifiká ku bo mester primi:
- e kònòpi di ALT
- i e kònòpi di =
Semper ora mi skirbi algu asina bo mester sa ku e ta nifiká ku mester primi por ehèmpel e ALT anto keda tene esaki primi te ora bo primi por ehèmpel e kònòpi di =. E mes un kos ta konta si bo mira Shift of CTRL, e kònòpinan aki ta wòrdu usa semper den kombinashon.
E + ta pa bo sa ku bo mester primi e kònòpinan huntu.
Ta importante pa bo sa tambe ku e kònòpinan SHIFT, CTRL i ALT no tin funshon nan so, semper mester usa esaki nan den kombinashon ku otro kònòpi. Bisando esaki ta nifiká ku ora bisa òf skirbi primi por ehèmpel CTRL ku C ta nifiká ku bo mester promé primi CTRL keda kun’e primi i despues primi C. Esaki ta konta pa e kònòpi di ALT tambe. Ora bo tende òf lesa un kaminda CTRL C òf ALT = kòrda semper mester primi e CTRL òf ALT promé, keda kun’e tene i despues ta primi e loke tin patras, pues den e ehèmpel aki C òf =.
Otro kònòpi importante ta NUM LOCK:
Kada toestenbord/keyboard ta diferente pero ora bo primi NUM LOCK un lus ta sende pa indiká ku e ta aktivá. Si e NUM LOCK no ta aktivá ta nifiká ku e numbernan no ta traha pero si e loke nan tin skirbi of pinta, por ehèmpel na number 8 bo ta mira un flecha ta mustra ariba, ke men si e NUM LOCK no ta aktivá bo primi 8 lo bo mira e ‘curser’ ta move bai ariba. Importante: si bo ta primi un number anto e number no ta sali òf otro ta pasa ta nifiká ku e NUM LOCK no ta aktivá, primi e kònòpi aki pa aktivá esaki.
Otro kònòpi importante ta:
Ora bo primi CAPS LOCK tambe un lus ta sende pa indiká ku e ta aktivá. Ora CAPS LOCK ta aktivá tur loke bo tik ta sali ku lèter kapital.
TAB tambe ta un kònòpi importante:
Ora skirbi òf bisa primi TAB ta e kònòpi ilustrá aki riba ke men, despues lo bo siña su nifikashon i aplikashon.